Оваа нова технологија им овозможува на програмерите своите iOS апликации да ги претворат во macOS апликации. Тоа е многу важно, бидејќи двете платформи досега бараа многу различни процеси за развој на апликации. Сега тука е Mac Catalyst, кој без проблеми ги трансформира апликациите, и им овозможува на програмерите да ги објават своите апликации и за Mac уредите.
Донесуваме неколку интересни апликации кои се достапни од неодамна.
LookUp- 9,99 долари
Се работи за одличен англиски речник кој ви помага секојдневно да откривате и да учите нови англиски зборови.
Planny 3- бесплатна
Ако сакате да испробате нов планер, Плани е многу моќна опција и ќе ви помогне да бидете многу попродуктивни. Оваа апликација ги презема сите најдобри карактеристики на традиционалните планери, но тоа го комбинира со интелигенција и елементи на игра. На тој начин, веднаш во текот на целиот ден добивате препораки за задачи, кои можете да ги направите и потсетници доколку не сте извршиле некои задачи.
CARROT Weather- 14,99 долари
Благодарение на macOS Catalina и Mac Catalyst, оваа богата апликација со податоци можете да ја користите и на Mac уредите. Погледнете ја временската прогноза преку фантастичниот нов кориснички интерфејс. Исто така, можете да откриете многу метеоролошки занимливости и опции.
Allegory- 3,99 долари
Се работи за уште една одлична апликација за водење белешки, која обезбедува основен минимум на искуство за пишување за сите корисници. Без излишни опции, Allegory нуди минималистички кориснички интерфејс во кој ќе уживаат сите, од лицата кои понекогаш запишуваат некоја белешка, до вистинските автори, што оваа апликација ја прави идеална за сите профили на корисници.
MakePass- 0,99 долари
Оваа апликација ви овозможува уште полесно користење на Apple Wallet. MakePass поддржува скенирање и откривање на баркодови преку фотографии, PDF фајлови и директно преку камерата, а потоа ги складира и синхронизира на сите ваши уреди.
HabitMinder– бесплатна
Променете ги своите навики и живот! Апликацијата HabitMinder ќе ви помогне да развиете здрави навики и да ги одржувате преку корисни алатки, како што се мини-апликациите. На пример, ќе ве потсети да го вежбате дишењето или да земете пет минути и да го одморите мозокот со медитација.