Apple ги претстави 45-те финалисти за App Store Awards, кои во 12 категории го претставуваат најдоброто од апликациите и игрите. Оваа награда не е нова — Apple секоја година им оддава признание на развивачите чии апликации го подобруваат секојдневниот живот на луѓето и поставуваат стандарди во технолошката иновација, корисничкото искуство и дизајнот. Добитниците ќе бидат избрани во следните недели.
„Со големо задоволство ги славиме финалистите на App Store Awards, кои претставуваат разновидна и исклучително талентирана заедница на развивачи од целиот свет,“ изјави Carson Oliver, раководител на Apple App Store Worldwide. „Нивната посветеност на извонредноста инспирира, создавајќи искуства што им овозможуваат на корисниците да создаваат, да постигнуваат повеќе преку технолошки иновации и да откриваат нови авантури во светот на игрите.“
iPhone App of the Year – финалисти
Овие апликации им помагаат на корисниците да ја направат секојдневната работа поефикасна:
- BandLab - одлична апликација за создавање музика и миксови, со силна заедница зад себе.
- LADDER – го отстранува погодувањето при планирањето тренинзи за сила.
- Tiimo – визуелно, смирено и јасно ги организира дневните обврски.
iPhone Game of the Year – финалисти
Овие игри нудат извонреден гејмплеј и забава што привлекува повеќе генерации:
- Capybara Go! – нежна авантура со слатко животинче во лесна idle-игра.
- Pokémon TCG Pocket – aсобирање легендарни Pokémon карти и играње со нив.
- Thronefall – спектакуларни одбранбени битки со минималистички контроли.
iPad App of the Year – финалисти
Овие апликации ја издигнаа креативноста и продуктивноста на ново ниво:
- Detail – го редефинира процесот на создавање дигитална содржина.
- Graintouch – ја носи убавината на печатената уметност кај дигиталните креатори.
- Structured – со визуелен, временски распоред ги прави управливи и најзафатените денови.
iPad Game of the Year – финалисти
Овие игри им нудат на играчите нови, наративно богати искуства:
- DREDGE – фасцинира со застрашувачка мистерија и течен гејмплеј.
- Infinity Nikki – ги вовлекува корисниците во магичниот свет на Miraland.
- Prince of Persia Lost Crown – епска авантура од почеток до крај.
Mac App of the Year – финалисти
Овие алатки им даваат моќ на корисниците да реализираат нови проекти со самодоверба:
- Acorn – една од најдобрите алатки за професионално уредување фотографии.
- Essayist – го олеснува управувањето со цитати и форматирање во академски трудови.
- Under My Roof – помага во организирање и јасно следење на домашните обврски.
Mac Game of the Year – финалисти
Овие игри создадоа впечатливи светови и силни приказни:
- Assassin’s Creed Shadows – скриена авантура во феудална Јапонија.
- Cyberpunk 2077: Ultimate Edition – фасцинира со импресивен, футуристички визуелен свет.
- Neva – емотивна приказна поддржана со прекрасна визуелна уметност.
Apple Arcade Game of the Year – финалисти
Овие игри нудат предизвици и возбудливи искуства:
- Katamari Damacy Rolling LIVE – хаосот на лепливата топка никогаш не бил повесел.
- PGA TOUR Pro Golf – го носи светот на голф терените кај играчите.
- WHAT THE CLASH? – нуди стотици забавни и незаборавни мини-игри.
Apple Watch App of the Year – финалисти
Овие апликации носат корисни информации и напредна функционалност директно на зглобот:
- GO Club – помага да останете активни и хидрирани.
- Pro Camera by Moment – овозможува снимање професионални фотографии директно од зглобот.
- Strava – создаде глобална фитнес заедница.
Apple TV App of the Year – финалисти
Овие апликации носат бескрајна забава на големиот екран:
- HBO Max – серии и филмови.
- PBS KIDS Video – едукативни и детски содржини.
- Super Farming Boy 4K – предизвикувачка авантура заснована на синџир-реакции и комбо-потези.
Cultural Impact - финалисти
Овие апликации ја зајакнуваат културната свест и општествената поврзаност:
- Art of Fauna – ја прави убавината на дивината достапна преку загатки.
- A Space for the Unbound – обработува ментално здравје преку емотивна, секојдневна приказна.
- Be My Eyes – нуди поддршка за слепи и слабовидни корисници.
- Chants of Sennaar – ја слави моќта на јазикот и поврзувањето.
- despelote – нуди креативен гејмплеј вкоренет во локална култура.
- Focus Friend – ги претвора вежбите за концентрација во забавни предизвици.
- Is This Seat Taken? – поттикнува емпатија и инклузивност.
- Retro – создава заедничка платформа што ја почитува приватноста.
- StoryGraph – гради инклузивна читателска заедница.
- Venba – претставува културна гастрономија преку топли, трогателни приказни.
- Whoscall – ги штити корисниците од измами и непосакувани повици.
- Yuka – помага да се донесат информирани одлуки за производите што се консумираат.
