Apple објави дека Apple TV доби вкупно 89 номинации за 78-то издание на Primetime Emmy Awards, што претставува нов рекорд во историјата на сервисот. Оваа година платформата е меѓу сервисите со најмногу номинации во категориите за драмски и хумористични серии. Номинациите опфаќаат вкупно 15 Apple Original продукции.
Widow’s Bay и Pluribus се на врвот
Најмногу номинации меѓу продукциите на Apple оваа година освои Widow’s Bay, со вкупно 19 Emmy номинации, а веднаш зад неа е Pluribus со 18 номинации. Првите сезони на двете серии добија одлични критики, што сега се потврдува и во сезоната на награди. Shrinking доби 10 номинации, Slow Horses 9, а Margo’s Got Money Troubles 8. Меѓу номинираните продукции се и The Morning Show, Foundation, Monarch: Legacy of Monsters, Murderbot, Palm Royale, Smoke и Prehistoric Planet: Ice Age.
Не недостасуваат ниту актерски и авторски номинации
Покрај самите серии, Apple TV доби номинации и во бројни категории за актерска игра, режија, сценарио, монтажа и музика. Меѓу номинираните се:
- Matthew Rhys за главната улога во Widow’s Bay,
- Rhea Seehorn за главната улога во Pluribus,
- Jason Segel за главната улога во Shrinking,
- Elle Fanning за главната улога во Margo’s Got Money Troubles,
- Gary Oldman за главната улога во Slow Horses,
- како и Harrison Ford, Michael Urie, Jessica Williams, Michelle Pfeiffer, Nick Offerman и Billy Crudup.
И во категоријата на документарни и неиграни програми Apple има свои номинации. Документарната серија Mr. Scorsese и The Reluctant Traveler With Eugene Levy се номинирани во неколку значајни категории.
Во септември ќе се дознае колку номинации ќе се претворат во награди
Добитниците на 78. Primetime Emmy Awards ќе бидат објавени на 14 септември 2026 година. Годинашните 89 номинации уште еднаш покажуваат дека Apple продолжува силно да инвестира во сопствени продукции. Apple Original филмовите, сериите и документарците досега имаат освоено 850 награди и добиено 3.734 номинации за различни признанија.
