Како што беше потенцирано многу пати претходно, Apple посакува да ја намали разликата помеѓу лаптопите и таблет уредите. И 7. генерација на iPad е совршена алатка за тоа.

Екранот со големина од 9,7-инчи е заменет со 10,2-инчен Retina дисплеј, а вкупниот број на пиксели е зголемен на 3,4 милиони, што е речиси три пати повеќе од некој просечен лаптоп. Покрај квалитетот на екранот, подобрени се и аглите на гледање.

iPadOS

Најважната алатка за намалување на разликите е iPadOS, кој ќе биде лансиран заедно со овој уред. Новите мултитаскинг опции, новите апликации ексклузивно дизајнирани за iPadOS и новата лебдечка тастатура ќе работат под A10 Fusion чипот.

Иако немаше проблеми со перформансите на претходните уреди со A10 Fusion, чипот заедно со новиот оптимизиран оперативен систем ќе постигнува 2 пати подобри резултати. Времетраењето на батеријата, исто така, ќе биде подобрено и за тоа ќе помогне и Dark Mode на iPadOS 

Уредот поддржува Apple Pencil и Smart тастатура и се уште вклучува Touch ID на Home копчето. Задната камера, се уште има 8 мегапиксели и исто така остана и Lightning конекторот. Беше потенцирано дека куќиштето на уредот е направено од 100 проценти рециклиран алуминиум, што го носи Apple уште еден чекор поблиску до еколошки подобра средина.