Ова беше многу возбудлива година во поглед на мобилните игри. Од една страна, лансирањето на услугата Apple Arcade беше голема работа. Таму се нудат повеќе од стотина игри со дополнителни in-app купувања. Од друга страна, факт е дека iOS 13 почна да ги поддржува управувачите на Xbox One и PS 4 навистина е феноменално.
Покрај Apple Arcade, и многу други возбудливи игри ја направија 2019. да биде одлична година. Да почнеме со играта Blades, која на нашите уреди го донесе светот Elder Scrolls. Покрај одличната графика, оваа игра, која често се ажурира, сега нуди мноштво нови предизвици и мисии.
Љубителите на карташки игри можеа да уживаат во играта Gwent, позната од светот The Witcher. Оние, пак, кои повеќе сакаат акција, можеа да ја изберат Call of Duty Mobile, една од најпопуларните игри оваа година. Програмерите на игрите мислеле и на корисниците кои го сакаат Nintendo, па за нив е наменета најновата игра Kart Tour, која има забавни моменти. И секако, не смееме да ја заборавиме Fortnite и втората сезона на лудата кралска битка, која е објавена оваа година.
За почеток ги нафрлавме одличните бесплатни наслови, но во продолжение следи многу пософистицирана листа на премиум игри, кои нудат одлично искуство на играње по поволна цена.
Bendy and the Ink Machine
Малку излеговме од 2019. година со оваа игра, бидејќи нејзината мобилна верзија беше објавена околу минатогодишниот Божик, но тоа е толку блиску до почетокот на 2019. што ќе ни простите. Оваа акциска хорор игра со многу мистерии и загатки е многу редок вид во својот жанр, а нејзиниот стрипски 3D изглед се смета за единствен. Најпрвин беше претставена во верзиите за персонални компјутери и конзоли, па за квалитетот на искуството на играње нема расправа.
Преземете ја Bendy and the Ink Machine од App Store (iPhone, iPad, iPod Touch - 6,99 долари)
Doom I-II
Овој класик меѓу игрите може да се игра на сите платформи. На некои корисници им појде од рака да ја стартуваат на осцилоскоп. Кон крајот на оваа година, Bethesda повторно извлече зајак од шеширот и ги направи првите две епизоди достапни и на iPhone. Значи, кога и да добиете желба, можете да убивате демони.
Преземете ја Doom од App Store (iPhone, iPad, iPod Touch - 4,99 долари)
Преземете ја Doom II од App Store (iPhone, iPad, iPod Touch - 4,99 долари)
Dead Cells
Со едногласна одлука на судиите оваа игра е прогласена за една од најдобрите во својот жанр. Главен цел на оваа акциска игра е да го унапредите својот лик со повторена смрт и оживување на случајно генерираните нивоа. Убиј. Умри. Повтори. Играта Igra Dead Cells најпрвин е претставена во верзиите за PC и конзоли, а од оваа година достапна е и во мобилна верзија.
Преземете ја Dead Cells од App Store (iPhone, iPad, iPod Touch – 8,99 долари)
Hyper Light Drifter
Hyper Light Drifter е одлична забавна игра во стилот на пиксели. Баш како и Dead Cells, најпрвин е претставена во верзиите за PC и конзоли и целосно ги воодушеви критичарите. Играта нуди седум до осум часа класична игра со ликовите, која незаборавна ја прави вибрирачката неонска графика.
Преземете ја Hyper Light Drifter од App Store (iPhone, iPad, iPod Touch - 4,99 долари)
Journey
Оваа 2019. година е претставена најспектакуларната игра во App Store, Sky: Children of Light. Играчите кои ја сакаат или мразат оваа игра (која е достапна бесплатно) се согласија дека претходната игра од истата екипа, Journey за PS3 нудеше многу покомплексно искуство. Затоа не ни чуди што ја донесоа оваа игра на iOS, и така овозможија да уживаме во најдобрата инди игра на своите паметни телефони.
Преземете ја Journey од App Store (iPhone, iPad, iPod Touch - 2,99 долари)
Battle Chaser: Nightwar
Ова е игра за сите кои сакаат roleplaying игри. Nightwar е на самиот врв во рамките на својот жанр. Визуелните ефекти ќе ве воодушеват, а играта ќе ве остави без здив. Со отприлика 30 часа играње, приказната ќе понуди доволно забава за својата цена.
Преземете ја Battle Chaser: Nightwar од App Store (iPhone, iPad, iPod Touch - 9,99 долари)
Gris
Ова е уште една игра околу која се крена многу прашина. Оваа шпанска игра е дизајнирана да биде меланхолична, бидејќи главна тема е справувањето со тагата и жалењето. Иако не е идеален избор за овој празничен период, ако сакате нешто што ќе ве размрда на емоционално ниво, ова е одличен избор.
Преземете ја Gris од App Store (iPhone, iPad, iPod Touch – 1,99 долари)
