Програма за замена на Apple Smart Battery футроли за iPhone XS, iPhone XS Max и iPhone XR

Компанијата Apple утврди дека некои Smart Battery футроли за iPhone XS, iPhone XS Max и iPhone XR моделите можат да ги прикажат долунаведените проблеми во тек на работа:

Батеријата не се полни или се полни со прекини кога е поврзана на полнач.

Батеријата не го полни телефонот или го полни со прекини.

Smart Battery футролите кои може да ги имаат наведените симптоми се произведени во периодот од Јануари 2019 до Октомври 2019 година. Компанијата Apple наведе дека можните дефекти не претставуваат безбедносен ризик и Apple или Apple Авторизираниот Сервис ќе ја заменат Smart Battery футролата целосно бесплатно.

Smart Battery модели кои се квалификуваат за замена:

Сервисна процедура?

Потребно е Вашата Smart Battery футрола да ја донесете во iSTYLE Сервис за да се изврши дијагностика и да се потврди дека има дефект со кој се овозможува бесплатна замена. Не е потребно да се остава и телефонот со кој се користи футролата.

Ќе Ве замолиме да резервирате термин преку следниот линк.

Одберете категорија 'Beats и Apple додатоци'.

Ако се одлучите футролата да ја испратите по некоја од многубројните курирски служби, ќе Ве замолиме да ги наведете и Вашите податоци: име и презиме, адреса на живеење, e-mail, контакт телефон, краток опис на дефектот. Адресата за испраќање е :

iSTYLE Сервис
Skopje City Mall, приземје
ул. Љубљанска бр.4 лок. 144
1000 Скопје, Северна Македонија

Дополнителни информации

Доколку Вашата Smart Battery футрола работи нормално, нема потреба да ја донесете во Сервис. Програмата за замена се однесува само на футролите кои во текот на работата ги прикажуваат горенаведените проблеми.

Компанијата Apple може да ја ограничи замената на Smart Battery футролите на земјата на купување или регионот од каде што е купена Smart Battery футролата.

Smart Battery футролата можно е да се замени во период од две години од датумот на купување истакнат на сметката на авторизираниот продавач, доколку ги исполнува горенаведените услови.

Доколку Smart Battery футролата има физички оштетувања, или неовластени модификации, замена нема да биде можна и поправката ќе биде одбиена.

iSTYLE Сервисот го задржува правото на наплата на дијагностика во такви ситуации.

За дополнителни информации можете да ни пишете на service@istyle.mk