Ако се работи за ваша прва средба со компјутерите на Apple, тогаш ова е целосно нова ситуација. Нов оперативен систем, ново опкружување. Што друго ќе ви биде потребно покрај сите додатоци во кутијата?
Покрај купувањето на едно од чудата на индустрискиот дизајн, Apple ги разгалува своите корисници со претходно инсталирани системи и апликации кои се подготвени за работа уште од првото стартување на уредот. Оние кои неодамна се префрлиле од Windows, сигурно ќе бараат софтвер за почеток на работата, но тоа е сосема непотребно.
Што доаѓа прединсталирано со macOS на секој Mac? Да ја видиме листата на вградени апликации: Photos, iMovie, GarageBand, Pages, Numbers, Keynote, Siri, Safari, Mail, FaceTime, Messages, Maps, News, Stocks, Home, Voice Memos, Notes, Calendar, Contacts, Reminders, Photo Booth, Preview, Books, App Store, Time Machine, TV, Music, Podcasts, Find My и QuickTime Player.
Оперативниот систем доаѓа со одличен интернет прелистувач во форма на Safari, апликацијата Mail за ракување со електронски пораки, Photos апликација за собирање на сите ваши фотографии и iMovie за уредување на вашите видеа. GarageBand е наменет за љубителите на музиката, додека пакетот iWork се состои од бесплатните апликации Pages, Numbers и Keynote, кои што нудат целосни канцелариски решенија.
Менаџерот со фајлови на Mac, Finder ви овозможува да управувате со сите ваши податоци зачувани на компјутерот, додека Time Machine опцијата ви помага да ги обезбедите вашите податоци со бекап.
Што друго ви е потребно?
Видео плеер
Доколку имате видеа и филмови од други извори наместо од iTunes Store, веројатно ќе ви треба повеќенаменски видео плеер кој ќе може да ги репродуцира сите формати и преводи. Покрај вградениот QuickTime плеер, VLC или MPlayerX можат да бидат одличен избор.
Доколку барате алтернативна апликација за управување со фајлови, ForkLift 2 може да ви заврши работа со вашите податоци. Исто како и Path Finder, која може да им биде омилена апликација на оние кои беа љубители на Total Commander.
Microsoft Office? Дали ќе ви треба или не?
За секој просечен корисник, iWork апликациите ќе бидат доволни, бидејќи ги поддржуваат сите Office формати. Се разбира, истото важи и за вградената апликација TextEdit. Сепак, има многу луѓе чија работа бара да користат Microsoft Office или едноставно се навикнати на него. Можете лесно да ја започнете онлајн претплатата и да ги преземете потребните апликации од веб-страницата на Microsoft.
Нема повеќе антивирус
Користењето на кој било Mac компјутер дефинитивно нема да бара од вас да купите било каков вид антивирусен софтвер. Не верувајте му на некој што ќе каже поинаку. Во изминатите децении имаше само неколку (во споредба со милиони на Windows) малициозни проблеми што можеа да предизвикаат проблеми. Сепак, Apple секогаш реагираше на овие напади и веднаш ги решаваше проблемите.
Посетете го System Preferences > Software Update менито и во Advanced табот овозможете го „Install system data files and security updates that will help you to keep your Mac updated with the latest security patches“. Потоа, во Security and Privacy менито, можете да го изберете изворот на апликациите. Можете да ги овозможите сите извори со избирање на App Store и сите идентификувани програмери или да ги затворите сите безбедносни дупки и да ги лимитирате вашите преземања само на апликациите достапни во App Store.
Покрај тоа што вашиот компјутер ќе стане побавен и ќе се судри со останатите апликации, антивирусниот софтвер нема да и донесе ништо добро на вашата машина.
Виртуелизација
Може да се случи да имате проблеми при пронаоѓање алтернатива за вашиот стар софтвер што го користите на пример за работа. Неколку антички сметководствени решенија ја поддржуваат исклучиво само употребата на Internet Explorer, но немаат верзија компатибилна со Mac. Во овој случај, ќе имате шанса да го сместите Windows на вашиот Mac компјутер и macOS. Во контексот на виртуелизација има две компании кои се натпреваруваат едни со други со своите производи: Parallels и VMware.
